Presentación del blog.

¿Asturies nun tien hestoria?

Un blog asturianu y asturianista.


 Esti blog qu'equí vos presento ta creyáu col enfotu de falar de los problemes políticos y sociales d'Asturies dende una perspeutiva asturianista y d'izquierdes, que quier reivindicar la identidá y cultura asturiana, señalando pa ello toles mintires que mos lleven inculcando (y que muncha xente tragó) dende va yá más d'un sieglu y que son el puntu d'orixe pa la situación de decadencia y abandonu que ta viviendo anguaño Asturies. Amás, col blog tamién pretendo (y lo más seguro ye que quede neso, nuna pretensión) visibilizar y averar la llingua asturiana a muncha más xente, ya intento facer que la mocedá asturiano esconsoñe y se decate de lo que: mocedá asturiano, y de la so pernecesaria participación nel llabor de reconstruyir Asturies.

pegatina coche|pegatina Asturias| adhesivo ciudad|vinilo auto
                                                                                     

 Equí, como dixi anantes, podréis atopar entraes dedicaes a multitú de temes rellacionaos d'un móu u otru con Asturies, la mio patria. Estos temes puen dir dende una crítica al estáu avergoñante de les infraestructures d'esta tierra o una protesta escontra la traidora y cobarde actuación del PSOE en rellación al conflictu d'EBHI hasta reflexones sobro la historiografía que deprenden los nuesos guaes nel colexu, una historiografía na qu'Asturies nun tien nengún protagonismu y que da a entender, como diz el nome d'esti blog, qu'esti verdi país nun tien hestoria, y si que la tien, y a esgaya.

 Ensin más, fino esta humilde presentación deseándovos a los pocos que llegen a lleer estes llínies que vos preste'l mio blog y qu'esfrutéis cola so llectura.

¡Puxa Asturies!

No hay comentarios:

Publicar un comentario